Голосование
Как Вам новый сайт?
Всего 25 человек
Официальное наименование:
Государственное учреждение образования "Демидовичский учебно - педагогический комплекс детский сад - базовая школа"
Тип УО:
Учреждение общего среднего образования
Населенный пункт:
д. Юцки
Адрес:
222744, Минская область, Дзержинский район, д. Юцки
Телефон:
8 - 01716 - 3 - 51 - 74 (75)
E-mail:
demidovichi@schoolnet.by

         

ЖЫЦЦЁ, ДАДЗЕНАЕ ЎСТАНОВЕ АДУКАЦЫІ
Да 1924 года дзеці з в. Дзямідавічы, в. Батурова і навакольных хутароў па жаданню бацькоў маглі вучыцца ў Падгор’і ў прыватнай школе Ганны Паўлаўны Меляшкевіч. Бацькі плацілі за вучобу дзяцей або адпрацоўвалі на полі. Для шматдзетных сем’яў у аплаце за вучобу была скідка. Бацькі бачылі ў сваіх дзяцей будучых хлебаробаў, таму вучылі адну-дзве зімы, каб дзеці ўмелі чытаць, пісаць, лічыць.
У 1924 годзе ў наёмным памяшканні Масейчыка Сцяпана была адкрыта дзяржаўная бясплатная аднакамплектная пачатковая школа. Загадчык ён жа і настаўнік – Печкуроў Павел Іванавіч. Школа працавала на польскай мове.
1925г. - на бацькоўскім сходзе вырашылі пабудаваць дзецям школу і вызначылі месца ў міжрэччы в. Дзямідавічы і в. Батурова.
1926г. - дзеці атрымалі навагодні падарунак - школу. Паколькі дзяцей было многа, то школа была пераўтворана ў двухкамплектную, дзяцей падзялілі на дзве групы: 1 і 3 класы і 2 і 4 класы.
1933г. – навучанне ў школе пераведзена з польскай мовы на беларускую. На базе пачатковай школы пачала расці няпоўная сярэдняя школа. Цяпер яна называлася Дзямідавіцкая няпоўная сярэдняя школа. Дырэктар школы – Крэміс Уладзімір Міхайлавіч. Школа працавала ў дзве смены (за карасінавымі лямпамі). Узнікла неабходнасць у новым будынку школы. Цяпер для школы мясцовыя ўлады выдзелілі дзве кулацкія хаты, з іх пабудавалі другі будынак школы. У вячэрні час працаваў лікбез (ліквідацыя бязграматнасці) для дарослых.
1936г. – закончана будаўніцтва другога будынку школы. Дзеці наводзяць парадак на школьным двары, працуюць на прышкольным участку. На грамадскіх пачатках у школе працуюць гурткі мастацкай самадзейнасці, спартыўныя.
1940г. – дырэктар школы Чэрнік Іван Лявонцевіч. Школа працуе ў зададзеным рытме.
1941 – 1944гг. – у гады вайны школа не працавала.
1944г. – у верасні школа аднавіла работу. Умовы працы цяжкія. Пісалі на абрыўках шпалераў, на газетах паміж радкоў. За партай сядзелі па 3-4 вучні, бо вучыцца прыйшлі дзеці-пераросткі трох гадоў ваеннага часу. На працу настаўнікаў запрашалі вучняў, закончыўшых 7 клас, якія праходзілі двухмесячныя курсы.
1951г. – дырэктар школы Юран Леакардзія Рыгораўна. Пераросткі закончылі вучобу. У школе працуюць гурткі. Па вёсках працуюць цімураўскія каманды. Яны дапамагаюць інвалідам і ўдзельнікам вайны. Бацькі стараюцца перад уладамі, каб адкрылі сярэднюю школу ў вёсцы.
1953г. – на базе Дзямідавіцкай НСШ пачала расці сярэдняя школа, якая атрымала назву Дзямідавіцкая працоўная агульнаадукацыйная сярэдняя школа. Школу папоўнілі вучні Чэрнікаўскай НСШ і другіх школ. Навучанне ў 8-10 класах было платнае. Класы перапоўнены. Часам у класе было па 42-44 вучні.
1961г. – дырэктар школы Гарошка Іван Якаўлевіч. Школа з 10-годкі пераведзена на 11-годку. З увядзенем у школьную праграму абслугоўваючай працы ўзнікла неабходнасць пабудаваць памяшканне для майстэрні і школьнага буфета, каб дзеці маглі падсілкавацца гарачым чаем. Пачалі будаваць трэці школьны будынак.
1962г. – дырэктар школы Завясніцкі Веніямін Аляксандравіч. Закончана будаўніцтва і абсталяванне майстэрні і памяшкання для буфета. З прыхода у школу настаўніка фізкультуры вучні захварэлі на спорт. Што ні спаборніцтва, то кубак або грамата. Час працы Дзянскевіча Валерыя Карлавіча быў перыядам росквіту фізічнага выхавання ў школе.
1963г. – нягледзячы на тое, што пабудаваны трэці будынак, цесната не пакідала. Заняткі ідуць у дзве змены. Узнікла пытанне аб будаўніцтве тыповага будынка школы. Была аформлена неабходная дакументацыя і паслана ў вобласць для зацвярджэння.
1964г. – школа з 11-годкі пераведзена ў 10-годку. У пасёлку Юцкі адведзены ўчастак для ўзвядзення тыповага будынка школы. Праз нейкі час пачаліс земляныя работы. Школа прадаўжае працаваць у зададзеным рытме.
1965г. – дырэктар школы Крук Мікалай Аляксандравіч. Школа ў Юцках будуецца, а ў Дзямідавічах жыве сваім жыццём. Настаўнікі і вучні з вялікай цікавасцю назіраюць за будаўніцтвам школы і з нецярпеннем чакаюць, калі яно будзе закончана і школа будзе ўведзена ў эксплуатацыю.
1966г. – вядзецца работа па заканчэнню будаўніцтва школы да 1 верасня. Настаўнікі і вучні дапамагаюць рабочым. Дзень заканчэння пабудовы школы ўсе набліжалі, як маглі.
1968г. – дырэктар школы Антонаў Пётр Захаравіч. У школе – кабінетная сістэма. Вядзецца работа па афармленню кабінетаў. Добраўпарадкуецца школьная тэрыторыя.
1972г. – дырэктар школы Кісялеў Павел Кірылавіч. Працягваецца работа па папаўненню кабінетаў нагляднымі дапаможнікамі.
1984г. – дырэктар школы Шумскі Валянцін Юльянавіч. Праведзены капітальны рамонт школы. Дзеці вучацца працаваць на камп’ютарах. Збіраецца матэрыял для музея. Пазней матэрыялы музея былі перададзены ў ДК саўгаса “Дзямідавічы”.
1998г. – дырэктар школы Яшчук валерый Васільевіч. Пабудавана і працуе свая школьная кацельня. Праведзена добраўпарадкаваннк школьнага двара. Нанова сабраны матэрыялы для музея “Рамёствы Беларусі”. Музей працягвае працаваць і папаўняецца экспанатамі. На базе школы створана абласная эксперыментальная пляцоўка “Этнашкола”.
2004г. – школа адзначыла сваё 80-годдзе.
2008г. – на базе школы была аткрыта дашкольная група “Вясёлка” і установа адукацыі атрымала статус вучэбна-педагагічнага комплекса.

20 студзеня ва ўстанове адукацыі адбылася сустрэча з аўтаінспектарам ДАІ Дзяржынскага РАУС маёрам міліцыі Панчанка А.Ю. У рамках прафілактыкі дзіцячага дарожна-транспартнага траўматызму Панчанка А.Ю. правёў з навучэнцамі прафілактычную гутарку па выкананні правілаў дарожнага руху пешаходамі, веласіпедыстамі, пасажырамі, аб неабходнасці абавязковага абазначэння сябе святлоадбівальнымі элементамі. Таксама навучэнцам была прадстаўлена статыстычная інфармацыя па аварыйнасці за 2016 год, паказаны прафілактычныя відэафільмы "Дзіця - галоўны пасажыр", "Дзеці - самыя небяспечныя пешаходы".

20 студзеня на базе ўстановы адукацыі ў форме метадычнага дыялогу прайшло раённае метадычнае аб’яднанне настаўнікаў французскай мовы па тэме “Сучасныя патрабаванні да ўрока французскай мовы”. Фурса Аляксандр Аляксандравіч, настаўнік французскай мовы ўстановы адукацыі, правёў для калег адкрыты ўрок па французскай мове ў ІІІ класе па тэме “Мае любімыя казачныя героі”. Аб арганізацыі вучэбнага занятку па французскай мове ў адпаведнасці з кампетэнтнасным падыходам паведаміла Мойса Таццяна Іосіфаўна, метадыст раённага вучэбна-метадычнага кабінета. Шука Таццяна Уладзіміраўна, настаўнік французскай мовы ДУА“Сярэдняя школа №4 г.Дзяржынска”, паводле матэрыялаў з курсаў павышэння кваліфікацыі асвяціла педагогам інфармацыю аб структуры сучаснага ўрока французскай мовы. Тараненка Наталля Вячаславаўна, настаўнік французскай мовы ДУА “Чэрнікаўшчынскі вучэбна-педагагічны комплекс дзіцячы сад – базавая школа”, Каспяровіч Элеанора Іванаўна, настаўнік французскай мовы ДУА“Скірмантаўскі вучэна-педагагічны комплекс яслі-сад – сярэдняя школа”, падзяліліся вопытам работы з аўдыявізуальнымі сродкамі навучання (відэафрагментамі, музычнымі кампазіцыямі, мультымедыйнымі рэсурсамі і інш.) як асновай прадуктыўнага ўрока.

Цікава, весела, задорна 14 студзеня пад дэвізам “Мы - за здаровы лад жыцця!” прайшоў Дзень здароўя і спорту. Па плану работы шостага школьнага дня ва ўстанове адукацыі прайшлі два мерапрыемствы. Гадзіна зносін “Маё здароўе - у маіх руках”, па выніках якой навучэнцы адзначылі, што каб быць бадзёрымі, вясёлымі, моцнымі трэба шмат працаваць над умацаваннем свайго здароўя. Працягам суботняга дня стаў спартыўны марафон “Усе на лыжню”, у якім прынялі ўдзел прадстаўнікі усіх класаў. Навучэнцы спаборнічалі ў хуткасці, спрыту і трываласці на лыжні. Мужна змагаліся за перамогу вучні 6 класа, якія і сталі лідарамі ў марафоне. Празецкая Дар’я, Празецкі Максім, Радко Яўген, Хітро Валерыя ў гэты дзень прымалі ўдзел у раённых спаборніцтвах па лыжных гонках на базе ДУДА “Дзяржынскі раённы цэнтр турызму і краязнаўства”.Між тым снегу яшчэ багата, па-гэтаму ў многіх вучняў ёсць шанец адыграцца і прыняць удзел у спаборніцтвах на снезе. Лыжы чакаюць сваіх “наезднікаў”! Паспявайце з карысцю для здароўя правесці час у зімовы перыяд.

Стена
Оставлять комментарии могут только авторизованные посетители.